فرقة برجا ما كانت يومًا مشاركة عادية، بل من البداية كان واضح إن عندها مشروع، شغف، وطموح يوصلها لمراحل متقدمة. اليوم، وبعد كل التعب والتدريب والسهر، وصلت الفرقة لمرحلة مهمة جدًا بمسيرتها، مرحلة بتطلب دعمنا كلنا.
اللي تابع أداء برجا بيعرف قدّي في تطوّر ملحوظ من عرض لعرض. انسجام أكبر، حضور أقوى، وثقة واضحة على المسرح. هيدا النجاح ما إجا صدفة، بل نتيجة تعب جماعي وإيمان حقيقي بالحلم.
برجا اليوم مش بس اسم فريق،
هي روح شباب وصبايا عم يمثلوا منطقتهم بكل فخر،
وعم يثبتوا إن الطموح لما يكون صادق، بيوصل….
ومن موقعنا كفريق عمل إقليم نيوز، نتوجّه لفرقة برجا بكل الدعم والمحبة، ونتمنالكم كل التوفيق والنجاح بالمرحلة القادمة. أنتو مش بس عم تمثلوا أنفسكم، أنتو عم تمثلوا برجا، عم تمثلوا أهلها، وعم تمثلوا إقليم الخروب ….
